Bəzi mətbəx hiylələri

Müəllif: Catwoman666
Şərhlər: 9
Baxılıb: 2 607
Səs ver:
(səs: 2)
1. Pendiri doğrayarkən qablaşdırmanın kəsilmiş hissəsini atmayın. Ondan pendirin qalan hissəsinin ağzını qapatmaq üçün istifadə edin.

2. Yumurtaları soyuducuya qoymadan öncə onları bitki yağı ilə yağlayın. Bu, onların daha uzun müddət qalmasını təmin edəcək.

3. Zəncəfili təmizləmək çətindir. Ancaq çay qaşığından istifadə etsəniz, bunu asan şəkildə edə bilərsiniz.

4. Kəsilmiş tortun qurumasının və bayatlamasının qarşısını almaq üçün kəsilmiş hissələrə çörək dilimləri qoyun və diş çöpü ilə torta bərkidin. Bu halda tortun əvəzinə çörək dilimləri bayatlayacaq.

5. Sizə bir neçə damcı limon şirəsi lazımdırsa, dərhal limonu doğramağa tələsməyin. Onu diş çöpü ilə deşin və yüngülcə sıxın, həmin an bir neçə damcı şirə çıxacaq. Limon isə bütov qalacaq. Bundan sonra kiçik dəliyi skoçlamaq və limonu yenidən soyuducuya qoymaq olar.

6. Bankada qalan mayonez qalıqlarını sirkə, ədviyyatlar və zeytun yağı əlavə etməklə salatlar üçün sousa çevirmək olar.

7. Təzə giləmeyvələrin kiflənməməsi üçün onları zəif sirkə məhlulunda isladın.

8. Soğan və sarımsağın saxlanması üçün ən ideal yer dəlikli kağız torbalardır. Bu, iki ay ərzində onların kiflənmədən qalmasını təmin edir.

9. Kəsilmiş avokadonun qaralmaması üçün üzərinə alma sirkəsi səpin və bir soğan dilimi ilə birlikdə saxlayın.

10. Kartofu almalarla birlikdə saxlasanız, kartof cücərməyək. Almanın tərkibində etilen maddəsi var ki, bu da cücərmənin qarşısını alır.

11. "Nutella” bankasında qalan şokolad qalıqlarının üzərinə qaynar süd əlavə etsəniz, olduqca ləzzətli isti şokolad əldə edərsiniz.

12. Manqo, kivi və avokadonu stəkanın köməyilə təmizləmək daha əlverişlidir.

13. Ananası başıaşağı saxlamaq məsləhətdir, bu zaman o, daha tez yetişir və daha şirin olur.

14. Kərəviz və brokolini mütləq folqada saxlamaq lazımdır, bu, onların ömrünü uzadır.

15. Fındıq yağını tərsinə çevrilmiş şəkildə saxlasanız, ondan istifadə etmək daha asan olar.

16. Bananın birləşdiyi baş hissəsini skoçla sarısanız, onlar xeyli müddət xarab olmaz.

17. Saralmış göyərti əslində dəyərli məhsuldur, onu atmağa tələsməyin. Göyərtini xırda-xırda doğrayın və zeytun yağı ilə qarışdırın. Alınmış kütləni buz üçün nəzərdə tutulmuş qəliblərə doldurun və soyuducuya qoyun. Beləliklə, salatlar və suplar üçün çox gözəl sous əldə etmiş olarsunuz.

18. Kahını soyuducuya qoymadan əvvəl kağız torbaya büksəniz, daha çox təzəliyini qoruyar.

19. Çips və krekerlər quruyubsa, onları biraz mikrodalğalı sobada və ya adi sobada isidin.

20. Yetişməmiş banan ən gözəl şəkildə sobada yetişir. Əsas olan vaxtı diqqətdə saxlamaqdır, onları bir neçə dəqiqə qızdırılmış sobada saxlayın.

21. Pizzanı tavada qızdırmaq lazımdır.

22. Ofis ləvazimatlarından olan sancaq sizə bişmiş yumurtanı asan şəkildə təmizləməyə yardımçı ola bilər. Bişirmədən əvvəl yumurtanın qabığında kiçik bir dəlik açın, bu, bişdikdən sonra yumurtanın asan təmzlənməsinə zəmanət verəcək.
(səs: 2)
Şərhlər: 9
Baxılıb: 2 607
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri