Ramazan ayında oruc tutan insanlar bir çox hallarda qəbizliklə üzləşirlər
Mütəxəssislərin fikrincə, həzm prosesinin ləng getməsi və qəbizlik xüsusilə iftarda ağır və çox yemək qəbul edənlərdə baş verir. Oruc tutanlar sahurdan iftara qədər olan müddətdə 15-16 saat ac qalır. İftarda çox və sürətli yemək isə həzmi ləngidir və qəbizliyə səbəb olur. Həkim-mütəxəssilər tövsiyə edir ki, yeni bişmiş və isti olan yeməyin dərhal qəbul edilməsi də mədəyə olduqca zərər verir. Ona görə də isti yeməkləri qəbul etməzdən əvvəl onun 5 dəqiqəyə qədər soyumasını ğözləmək lazımdır. Ədviyyatlı və qızardılmış yağlı yeməklər də həzmin çətinləşməsinə səbəb ola bilər. Ona görə də mütəxəssislər həzmin normallaşması və qəbizliyin yaranmaması üçün iftardan sonra 1 stəkan razyana çayınının qəbul edilməsini təklif edir.