Məlumdur
ki, D vitaminini orqanizmimiz daha çox günəşdən alır. Amma günəş
şüalarının az olduğu qış aylarında bu vitaminə olan təlabatımızı xüsusi
qidalarla ödəməliyik. Bəs bu vitamin hansı qidalarda var və D vitamini
kökəlməyə səbəb olurmu? Bu suallara yazımızın davamında cavab tapa
bilərsiniz.
D vitamini hansı qidalarda olur?
Digər
vitaminlərə nisbətdə D vitamini limitli qidaların tərkibində var.
Əsasən də, somon kimi yağlı balıqlarda daha çox olur. D vitamini olaraq
qəbul edəcəyimiz qidalar isə bunlardır:
1. Yağlı balıqlar və konservləşdirilmiş balıqlar – somon, ton balıqları
2. Süd
3. Soya südü
4. Pendir
5. Qatıq
6. Yumurta sarısı
7. Səhər yeməyi üçün olan dənli bitkilər
8. Tofu (Soya pendiri)
Araşdırmalara
görə, D vitamini ilə çəkiyə nəzarət arasında əlaqə var. Belə ki, D
vitaminini lazımlı miqdarda qəbul etməmək ya çəki artımına ya da ki,
sağlıqsız arıqlamağa səbəb olur. Daha çox isə D vitamininin
çatışmamasının təsiri müəyyən yaş həddinə sahib olan qadınlarda hiss
olunur (50-65 yaşlarında qadınlarda daha çox çəki artımı baş verir).
Araşdırmaların nəticəsi olaraq məlum olub ki, yağ hüceyrələrindəki D
vitamini reseptorları bu balansın pozulmasına səbəbdir.
D
vitamininin ən vacib xüsusiyyətlərindən biri qarın hissəsində
yağlanmanın qarşısını almasıdır. Amma bununla belə, D vitamini əksikliyi
insulinə də mənfi təsir edir. Bu da arıqlamağa problem yaradır. Lakin D
vitaminini yetərli miqdarda qəbul etdikdə beynə leptin hormonu gedir
və doyduğunuz haqqında mesaj verir. Yetişkin insanlarda gündə 10 mg D
vitamini qəbul etməlidirlər. D vitamini çatışmazlığı tez-tez rast
gəlinir. Bunun qarşısını almaq üçün həftədə ən az 2-3 dəfə yağlı balıq
qəbul edin və mümkün olduğu qədər günəşə çıxın.