Gözlərindən görürəm - Test

Müəllif: Mr. OffiCeR
Şərhlər: 4
Baxılıb: 2 508
Səs ver:
(səs: 0)
Hər dəfə müxtəlif testlər edirik, amma bu dəfəki testimiz tamam fərqlidir. Adından göründüyü kimi, göz şəklinə əsasən sizin xasiyyətinizi açıqlayacağıq. Seçim üçün 9 göz şəkli və 9 cavab təqdim edilir. Hər zaman olduğu kimi cavabları şərhlərdə qeyd edəcəyik. Şəxsiyyətinizi açıqlayan variantı təyin etmək üçün ilk dəfə diqqətinizi çəkən göz şəklini seçin.

1. Güvənilən - Bu rəqəm altındakı göz şəklini seçən insan istənilən insana inanır və asanlıqla həyatına (ürəyinə) qəbul edə bilər. Siz daha çox risk edərək zədələnməyi üstün tutursunuz, nəinki insanlara qarşı qapanmaq. Siz kimsəyə qorxunuzu və qeyri-müəyyənliyinizi göstərmirsiniz. Hesab edirsiniz ki, öz problemlərinizi elə özünüz də həll etməlisiniz. Siz qəlbinizdə var olan hər şeyi qarşı tərəfə bəxş etməyə hazırsınız. Hətta boşluq içində olsanız belə. Başqasına kömək edərək öz yaralarınızı sağaldırsınız.

2. Xırdacıl - Bu rəqəm altındakı göz şəklini seçən insan hər kəsə xoş təssürat bağışlamağa can atır. Eyni zamanda bütün gördüyü işlərdə, atdığı atdımda səhv etməməyə çalışır. Siz elə hesab edirsiniz ki, atdığınız istənilən səhv və ya doğru atdım başqasının həyatına müəyyən qədər təsir etmiş olur. Öz həyacanınızı və əhvalınızın korlandığını biruzə vermirsiniz. Siz hər kəsdən yaxşı olmağa can atırsınız. Çünki əlinizdə olan vaxta məhz bunu sığdıra bilirsiniz.

3. Qurban - Bu rəqəm altındakı göz şəklini seçən insan dünyada özünə məxsus yer axtarışındadır. Öz qaranlıq ideyalarınızı kimsəyə demirsiniz. Çox çətinliklər görmüsünüz. Bütün bu çətinliklərə baxmayaraq özünüzü ələ almağı və ümidlə addımlamağı bacarırsınız.

4. Düşünən- Bu rəqəm altındakı göz şəklini seçən insan hər bir addımını düşünməyi sevir. Siz hər şeyi ölçüb-biçirsiniz. Hadisənin əvvəlini və sonunu düşünürsünüz. Hətta o qədər dərin düşünürsünüz ki, reallıqdan belə uzaqlaşa bilirsiniz. Qeyri-müəyyənliyinizi hər kəsdən gizlədirsiniz. Qərar verdikdən sonra qərarınızın doğru olub-olmadığına şübhə edirsiniz.

5. Sirli- Bu rəqəm altındakı göz şəklini seçən insan elə özü üçün də sirli biridir. Sizi anlamağa çalışan insanlara uğur diləyirik. Siz bir hörümçək toru kimisiniz. Əhvalınızı tez-tez dəyişirsiniz. İstəyinizin nə olduğunu uzun-uzadı təhlil etdikdən sonra tapırsınız. Lakin tapdığınız andaca dəyişilirsiniz və yenidən nə istədiyinizi təhlil etməyə davam edirsiniz. Siz yığcam deyilsiniz və ətrafınızdakıları da çaş-baş salırsınız. Bəzən də özünüz özünüzü çaşdırırsınız. Ünsiyyət qurmazdan əvvəl həmin şəxsi kənardan izləməyi üstün tutursunuz. Siz yalnız əmin olduğunuz sözləri deyirsiniz.

6. Həssas- Bu rəqəm altındakı göz şəklini seçən insan hər şeyə diqqət edir və heç nəyi unutmur. Siz çox həssas insansınız. Hətta ən xırda bir şey sizin diqqətinizi çəkə bilir. Sizi ürəkdən güldürmək və durduq yerə ağlatmaq mümkündür. Bütün bu həssaslığınıza baxmayaraq öz zəyif cəhətlərinizi gizlədirsiniz. Bunun əvəzində necə diqqətli olduğunuzu nümayiş etdirirsiniz.

7. Enerjili- Bu rəqəm altındakı göz şəklini seçən insan ya daim aktiv hərəkətdədir, ya da hər zaman aşiqdir. Siz kəskin qərarlısınız. Ya sevərsiniz, ya da nifrət edərsiniz. Ətrafınızdakı insanlardan fərqli olaraq qarşıdakı problemin çıxış yolunu tez tapırsınız. Sizdə enerji aşıb-daşır. Hər şey sizin üçün enerji mənbəyinə çevrilir. Bu səbəbdən əsəb problemi ilə üzləşirsiniz. Heç nədən xırda bir şeyi əsl drama çevirə bilirsiniz.

8. Düzənsiz- Bu rəqəm altındakı göz şəklini seçən insan qeyri-adi düşüncə tərzinə və marağa sahibdir. Sizi qəribə şəxs kimi görənlər az deyil. Qayda-qanunları sevmirsiniz. Öz məqsədləriniz üzrə hərəkət edirsiniz. Daha çox öz bildiyinizi edirsiniz. "Nə istəyirəm onu da edirəm. Nəticəsi nə olur olsun” fikri sizə aiddir. Ünsiyyətə açıqsınız. Xasiyyətinizdə düzəliş etməyə can atan dostlarınıza və yaxınlarınıza lağ edirsiniz. Maraqsız insanlarla ünsiyyətdən uzaqsınız.

9. İntutiv- Bu rəqəm altındakı göz şəklini seçən insan dünyanı çox gözəl dərk edir və insanları yaxşı tanıyır. Qarşınızdakı insanın üz mimikasına və səs tonuna əsasən nə hiss etdiyini bilirsiniz. Hətta bir baxışla qarşınızdakı insanın yalan danışdığını anlayırsınız. Siz ətrafınızda hər kəsə göstərmək istədiklərinizi göstərirsiniz. Sizdən kimsə yararlananda və ya istifadə edəndə qəzəblənirsiniz. Lakin özünüz də başqalarından necə yararlanmağı bilirsiniz.
(səs: 0)
Şərhlər: 4
Baxılıb: 2 508
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri