Etiraf.

Müəllif: Mr. OffiCeR
Şərhlər: 0
Baxılıb: 5 776
Səs ver:
(səs: 0)

Fikirli gəlirəm, dalqın gəlirəm,
Qayğılı gözlərin çəkir şəklimi.
Bə’zən gec gəlirəm, yorgun gəlirəm
Bitirsən qapıda bənövşə kimi...

Bəlkə min suçumu bilmisən mənim,
Birini üzümə vurmamısan heç.
Eyhamla üzümü gülmüsən mənim,
Bircə yol üzümə durmamısan heç.

Hər kəs taleyilə gəlir heyata,
Demirəm, ürəyi yumşaq olmusam.
Dəcəl uşaqlara mulayim ata,
Səninçün ən dəcəl uşaq olmusam.

Sənsən daglar kimi səbrle dözən
Bəlkə tərəddüdlə çox döyüşmüsən.
Isti bir sevgidən yazmısam bə’zən,
Soyumuş çayımı sən dəyişmisən...

Uzümdə kədərdən bir iz görəndə,
Şirinim olmusan, acım olmusan.
Qohumdan, tanışdan pis üz görəndə
Sən anam olmusan, bacım olmusan.

Bir kovrək se’rimdən gözlərin dolub,
Nə deyim, özgədən çox yazıb qələm.
Nə qədər düyünlü günümuz olub,
Düyünlu qaşını görməmişəm mən...

Bir əlin mətbəxdə qabda-qasiqda,
Bir gözun istidə, tüstude olub.
Bir əlin beşikdə oğul-uşaqda,
Bir gözün həmişə üstümdə olub.

Yollar carpaz-carpaz, yollar qarisiq...
Gecə yol gedirem qulağı səsdə.
Bizim pəncərədən süzülən işıq
Gözümün nurudur yolumun ustə.

Fikirli gəlirəm, dalgın gəlirəm,
Qayğılı gözlərin çəkir şəklimi.
Bə’zən gec gəlirəm, yorgun gəlirəm
Bitirsən qapıda bənövşə kimi.
Müəllif: Nüsrət Kəsəmənli.

 
 

 

 

(səs: 0)
Şərhlər: 0
Baxılıb: 5 776
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri