Ustad tələbələrini imtahana çəkmək qərarına gəldi. Onlardan üçünü çağıraraq ağ vərəqə bir mürəkkəb damcısı saldı və soruşdu: -Nə görürsünüz? Birinci tələbə cavab verdi: -Qara nöqtə İkincisi dedi: -Ləkə Üçüncüsü isə dilləndi: -Mürəkkəb Son dərəcə məyus halda abid öz otağına çəkildi. Bir müddətdən sonra tələbələri ondan soruşdular: -Nə üçün cavablarımız sizi bu dərəcədə məyus etdi? Alim cavab verdi: -Çünki heç biriniz ağ vərəqi görmədiniz. Məntiq: Bəzən kiminsə çatışmazlığı ətrafında uzun-uzadı müzakirələr aparmağı, bu şəxsə tənə vurmağı özümüzə borc bilirik. Təəssüf ki, səhvə yol vermiş ALLAH bəndəsinin bütün müsbət xüsusiyyətləri bu zaman unudulur...