Səni özgəsiylə görəndə bir də
Baxacam gözümü bağlamayacam.
Özüm dərd verəcəm çəkdiyim dərdə‚
Yaşımda qurtarıb ağlamayacam.

Oynadın bir incə məhəbbətim ilə
Nələr çəkdiyimi duymadın belə.
Olsun ki,nifrətlə gələcəm dilə
Bir daha eşqinlə çağlamayacam,

Şirin arzuların yetişib sonu,
Hər ikimiz gözəl bilirik bunu,
Səninlə birlikdə qovacam onu
Həsrəti ürəkdə saxlamayacam.

Özün öz işini bilirsən artıq
Secdiyin qisməti bölmüsən artıq,
Mənimçün yox olub, ölmüsən artıq
Eşqinlə qəlbimi daglamayacam.