"Bezib məni atarmısam?!"

Müəllif: Onun_Mələyi
Şərhlər: 7
Baxılıb: 2 253
Səs ver:
(səs: 0)
Nə müddətir, gülüm, məni
Məndən alıb aparmısan.
Xəzəl edib göy çəməni,
Öz dünyamdan qoparmısan.

Gəldin, əsən yelə döndün,
Getdin, çılğın selə döndün,
Mən yerimdə külə döndüm,
Vaxtsız gələn çaparmısan?!

Gözləyənim hanı mənim,
Sözüm sözdür, tanı məni,
Bu yolumun sonu mənim,
Sən yolundan saparmısan?!

Vüsal gəzən səbrim gödək,
Yol üstəyəm bənövşə tək,
Yırğalasam yüyürük tək,
Qollarımda yatarmısan?!

Qəlbim ağlar, bənd bir himə
Əl toxunsa sarı simə,
Nəfəsini nəfəsimə,
Bir anlığa qatarmısan?!

Bir ürəklik sözəm, səsəm
Bir ürəklik sevən kəsəm,
Əvvəlki tək sevəmməsəm
Bezib məni atarmısan?!

Danışığım, sözüm ərkdi,
Yaxalığın kəpənəkdi,
Bir gör Sərdar nələr çəkdi,
Düşündüyün taparmısan?!
(səs: 0)
Şərhlər: 7
Baxılıb: 2 253
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri