Ağ saçlara dəydi gözüm,
Baxdı oğlum,baxdı qızım,
Min sualla dindi sazım,
Bu nə qardı bu nə boran,
Doğurdanmı qocalıram.

Ötən günlər dönməz geri,
Nə tez aşdım zirvələri,
Indi budur pillələri,
Mən qalxıram aram-aram,
Doğurdanmı qocalıram

Azaldıqca nur gözümdən,
Nalə qopur hər sözümdən,
Tükəndikcə güc dizimdən,
Xəyallara mən dalıram,
Doğurdanmı qocalıram

Toplasaqda min gül çiçək,
Arzu sonsuz ömür gödək,
Geri dönən gəmilərtək,
Sahillərə yan alıram,
Doğurdanmı qocalıram