Elə ki göz açdım isti qucağında,
O zaman anladım sənsən dayağım.
Lay-lay söyləyərkən sən qulağıma,
Hər zaman yanımda sənsən anladım.

♡♡♡♡♡

Hörərkən saçımı sən əllərinlə,
Gördüm gözəlliyi öz gözlərimlə.
Dayandım bir anlıq,çəkildim geri,
Bütün nəfəsimlə çəkdim iyini.

♡♡♡♡♡

Bilirəm,hər zaman nəsihətlərin,
Qulağımda bir sırğa qalacaq mənim.
Unuda bilmərəm mən bu sözləri,
Çoxdur mənim üçün onun dəyəri!