Kim qarşıma çıxdısa,
Səni ondan soruşdum
Sənsizlik axarında
ha çalışdım, vuruşdum-
Gördüm deyən olmadı..

Hər gün çəkdiyim həsrət,
Hicran yandırdı məni.
Kömək umdum dostlardan,
Çoxu sındırdı məni-
Gəldim deyən olmadı.

Artdı ümidsizliyim,
Acizliyim beləcə.
Yoxluğunla içində,
Dərd böyütdüm hər gecə-
Bildim deyən olmadı.

Günü aya caladım,
Ayı ilə birtəhər.
Hər gecə dua etdim,
Sənsiz açılacaqsa-
Açılmasın heç səhər..

Əfsanə Rəvan