Tək çəkə bilmirəm dərdi, əzabı,
Sənə gəlmək üçün bir himə bəndəm.
Məni öz bəxtimdən yarıt İlahi,
Hər şeydən sınıqdı bu dəli bəndən.

Ürəyim əzilib dərd daşımaqdan,
Barı məlhəm göndər yaralarıma.
Mərhəmət əlini uzat İlahi,
Mən axı lazımam balalarıma.

Sinəmdə dağlar var həsrətdən yana,
Su çilə bəxtimin yanan üzünə.
Vallah bura qədər heçnə görmədim,
Tüpürüm bu ömrüm qalan üzünə.

Əfsanə Rəvan