Nə vaxtsa mən olmasam,
Yaşararmı gözlərin?
Qəmlənərmi ürəyin,
Bükülərmi dizlərin.?

Axtararsanmı görən,
Hara baxsan əksimi.
Yoxsa yenə sevərsən,
Sevə bildiyin kimi.

Düşərəmmi yadina,
Tənha gecələrində.
Qənimi olarsanmı,
Mənsiz gecələrin də.

Tanrıdan dilədiyin,
Diləyində necəyəm?
Nə isə narahatam,
Ürəyində necəyəm?

Hələ nə qədər sağam,
Çıx qarşıma özün de.
Çox tezmi unudarsan,
"Əgər ölsəm" düzün de.

Əfsanə Rəvan