Səninlə həyatı bir yuxu sandım,
Verdiyin vədlərə qandım,inandım.
Mən onda oyandım,onda oyandım,
Sinəmin üstünə sancdın bıçağı,
Ay mənim ömrümün nankor qonağı!

Bilirəm,yolunu gözləmək əbəs,
Mənə yaxınları arzuladan kəs,
Uzaqlar gözünün düşməniydi bəs!
Sən sevdin uzağı, seçdin uzağı.
Ay mənim ömrümün nankor qonağı!

Qəlbində bu eşqin atəşi sönmüş,
Dünyamın ağ üzü qaraya çönmüş.
Yoxluğun qəlbimi məzara gömmüş,
Qəlbim yoxluğunla barışmır axı!
Ay mənim ömrümün nankor qonağı.

ZƏHRA ƏKRƏM ( #8mart 2019)