Rəsm dərsində, "xoşbəxt ailə" mövzusunda, "ana, övlad və əlləri olmayan ata" rəsmi çəkmişdi, anası döyülən uşaq...
Doğrusu, bu dərsdən "beş" də ala bilməmişdi, lakin, anasının çöhrəsindəki beş barmaqlı şillənin izindən dərs ala bilmişdi: "anamızı döyən varlığa ata deyilir!"
"-niyə dərsini oxumamısan? -işığımız sönmüşdü. -məncə, dünən axşam kəndin bütün işıqları yanırdı." -amma bizim işığımızı atam söndürmüşdü- deyə hıçqırırdı, anası döyülən uşaq...
İndi düşünürdü ki, müharibədə atasını itirmiş Nadirin yerində olmaq qədər gözəl heçnə yoxmuş, anası döyülən uşaq...
Dərsdən qayıdarkən, atası başını sığalladı... o anlar içində, bir sığaldaca boğulurdu, anası döyülən uşaq..