Bir yuxunun yozğunluğu
Kəm sevdanın pozğunluğu,
Riyakarın quzğunluğu
Qəbahətdi, sərtdi mənə.

Günəşim ol, qəlbimə saç,
Baxışların dərda əlac.
Olmuşam eşqinə möhtac,
Məhəbbətin dərtdi mənə.

Bəsdi qoydun intizarda,
Saf sevgini vermə bada.
Həmdəmim ol bu dünyada,
Varlığın da bəsdi mənə.

Baxma mənə kənar kimi,
Yaz arada yazar kimi.
Bu obada qərib kimi
Şəhərlər də kəntdi mənə.

MÜƏLLİF:SEYMUR SÖNMƏZ PAŞAYEV