Darıxmışam o balaca qız üçün

Şərhlər: 6
Baxılıb: 3 698
Səs ver:
(səs: 0)
Onda hələ uşaq idim körpəcə,
Hər gün sevib, əzizləyən çox idi.
Onda hələ balacaydı saçlarım,
Ələ gələn hörüklərim yox idi.

Onda elə həvəsliydim hər şeyə,
Böyük-böyük çəkmələrlə gəzərdim.
Anam görüb danlayardı hər dəfə,
Gözlərimi bulaq edib küsərdim.

Sonra məni evimizdən bir nəfər,
Yamanca tez böyütməyə can atdı.
Öldürdü o bapbalaca uşağı,
Əvəzinə böyük qadın yaratdı.

Mən də ata ocağında o gündən,
Odlanaraq, yana-yana böyüdüm.
Göz yaşımı axıtdım e içimə,
Qəsd elədim şirin cana böyüdüm.

Sonra bir də ayıldım ki, yaş ötür,
Gün axtardım içimdəki buz üçün.
İndi hər şey yolundadı fəqət mən,
Darıxmışam o balaca qız üçün.

Əfsanə Rəvan
(səs: 0)
Şərhlər: 6
Baxılıb: 3 698
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri