Mən səni görəndə halsız oluram,
Mən səni görəndə bilmirəm kiməm.
Mən səni görəndə, dilim tutulur,
Bilmirəm, ya susam, ya da ki, dinəm.

Mən səni görəndə, səni görəndə,
Elə bil buludlar dəyir baş-başa.
Mən səni görəndə, qəribə şeydi,
Az qalır düşüncəm, ağlım daşlaşa.

Mən səni görəndə, bilmirəm niyə,
Dədəm də yadımdan çıxır inan ki.
Mən səni görəni çox unutqanam,
Bilmirəm yediyim nədir dünənki.

Mən səni görəndə, çaşıb-qalıram,
Hansı yol gedirdi evə bilmirəm.
Mən səni görəndən, səni görəndən,
Daha pişiyimi sevə bilmirəm.

Sefail Aqiloglu