Bu necə mübarək gündür, İlahi,
Eşqimin əzəli çıxıb qarşıma
Özü bir aləmdir, sözü bir aləm,
Eşqlərin özəli çıxıb qarşıma.

Sevdiyi insanın rəngini alar,
Yarının rənginə boyanar aşiq.
Bircə gün yarından uzaqda qalar,
Eşqindən qovrular, hey yanar aşiq.

Ayıra bilmirəm özümü səndən,
Bəlkə də, keçmişdə mən olmuşam mən.
Bir əsər-əlamət qalmayıb məndən,
İndi bütünlüklə sən olmuşam mən.

Xaleddin İlyas