Ötən günlər canlandıqca birbəbir, İnsan hərdən ağlayarmış, gülərmiş... Həkimlər də yalan deyir! Xərçəng, vərəm bəhanədi ölümə, Adam elə tənhalıqdan ölərmiş.
Adam elə darxıdıqca, nədənsə, Bir tərəfi şikəst düşər, qırılar. Sevilməyə yeri qalmaz, inanmaz, Sevgisiz də yaşamaqdan darılar.
Sən bilməzsən, həkimlər də bilmədi! Bir şey əskik, ağrıyır sol yanımda. Bircə buna ürək deyib, tələsmə, Çatışmayan, gülüşündü, Ona görə sızıldayır canım da.
Bəhanəylə soruşursan, necəsən? Mən nə bilim, nə görürsən, oyam da.