Bura onun vətənidir,
Yollarında müntəzirəm.
Dənizində, qayasında,
Ondan qalan iz gəzirəm.

Sevgisi alıb ruhumu,
Bədənimdən ayrı qalıb.
Cismim çox-çox uzaqlarda,
Ruhum burda məskən salıb.

Ətrafımdan keçənlərin,
Üzlərinə boylanıram.
Bəlkə, onu görüb deyə,
Gözlərinə boylanıram.

Bura onun vətənidir,
Hər gün burda nəfəs alır.
Cismən çıxıb getsəm belə,
Ruhum yenə burda qalır.

Xaləddin İlyas