Bəli,indi beləyəm mən,
Hər şeyə vecsiz,maraqsız.
Üstüm-başım tör-töküntü,
Saçım dağınıq,daraqsız...
Ruhum qeyiblərdə,uzaq.
Cismim yaralı yalquzaq.
Dedim xatirələr yazaq,
Getdin səmirsiz,soraqsız.
Xəyalın hey çəkir dərdə,
And içmişdik xeyir- şərdə(...)
Günəş çəkir siyah pərdə,
Həyatım qalır çıraqsız.
Ayaqların doğur məni,
Baxışların boğur məni.
Əlin yerə soxur məni...
Deyir:"Ağla,hıçqıraqsız..."

Zəhra Əkrəm