Mən bütün vidalara ağlayan bir uşağam, Mənim ayrılıqlara tabım yox, dözümüm yox... "Salamat qal, görüşərik, dəyərlisən, doğmasan", Eh, bu kimi sözlərə gözüm tox, ürəyim tox...
Məni bütün gedişlər sarsıldır, uşaq kimi, İlahi, nə vermisən mənə ürək yerinə? Kaş dilimi alardın, kaş məni lal edərdin, Ürəyi daş edərdin, məni dilim yerinə.
Məni eradan əvvəl yaradaydın, İlahi, Bu zamanın adamı deyilmişəm bəlkə də. Yaşamağa bir dalan, dərd bölməyə bir insan, Niyə tapa bilmirəm, mən bu boyda ölkədə?!