Səni unutmaq asan olardı
Birgə çərpələng uçurduğumuz
Küləklər olmasaydı.
Bir zamanlar məni bənzətdiyin
Çiçəklər olmasaydı.
Səni unutmaq asan olardı.
Sevgimizin şahidi
Günəş, Ay olmasaydı.
Təqvimdə fəsillərdən
Ən sevimli fəslin:
Yay olmasaydı.
Bahardan sonra payız gəlsəydi
Səni unutmağa nə vardı ki?!
Səhərlər Günəş doğmasaydı,
Axşamlar Ay çıxmasaydı.
Səni unutmağa nə vardı ki?!
Küləklər əsməsəydi,
Çiçəklər bitməsəydi...
Səni unutmağa nə vardı ki?!

Aynur Haqverdi
24.03.2019