Binaları alovtək Ləpələndirir külək. Alovlanır hər gecə Bu küləylər şəhəri.
Alovlanır binalar, Alovlu binaların içindəki, alovlu, qığılcımlı zinalar. bu zinalar, tamahlar, bu günahlar, günahlar... bu, kül eylər şəhəri.
Bu şəhərdən o yana hara baxsan uzaqdı. bura qardı, sazaqdı. burda bütün qocalar zamanın qar bürümüş yamacında sürüşüb, dığırlanan uşaqdı. saçlarına qar qonub, saqqalı, bığı ağdı.
Bu şəhərdə dualar, qarğış qədər keçərsiz, bu şəhərdə adam çox, ancaq insan yetərsiz.
Bu şəhərdən o yana, ləpədöyən dənizdi. "bura zibil atma, ay..." adamsöyən dənizdi.