Həyatdan əl üzüb, ölümü seçdim,
Yaşam əl çəkmədi, əsirim oldu.
Bütün imtahandan uğurla keçdim,  
Bir dənə sevgidən kəsirim oldu.

Heç belə təsəvvür eləməmişdim,
Nə gözəl bəlaydın başıma gəldin.
Mən səni Allahdan diləməmişdim,
Özün ayağınla xoşuma gəldin.

Məndən başqasına üzün gülmədi,
Özgə bir ocağa köçsən də gəlin.
ʺƏlvidaʺ deməyə dilin gəlmədi,
Boş qaldı havada yellənən əlin.

Sanki dayanmışdıq yol ayrıcında,  
Bir yöndə mən idim, bir yönündə sən.
Bir dəfə olmadım mən baş ucunda  
Yaxşı ki, Allahın göz önündəsən.

Mirşen Xeyal.

2019