Tənhalıq

Qeydiyyat Şifrənin bərpası

Qadınla.Com

Tarix: 29-12-2019, 23:00

Müəllif: YalniZ-ArZu

Şərhlər: 4

Baxılıb: 3 416

Bölmə: Həyat tərzi / Şeirlər

Səs ver:

(səs: 0)

Tənhalıq?
Xoş gəlmisən!!!
Keç! Qaoıda dayanma.
Sən ki, tez-tez gəlirsən.
Öz evindir, utanma!

Onsuz soyuqdur hər yer.
Soyunma, keç eləcə.
Sevincimi görmədin?
Burda idi indicə.

Kədəri də, qəmi də
Gətirmisən özünlə!
Görən hələ neçə gün
Qalmalıyam sizinlə!

Azdır, çoxdur hər kəsin
Vüsalına qənimsən
Alnımdakı qırışım
Saçımdakı dənimsən.

Üzümdəki saqqalın
Ağları da sənindir.
Ayrılığın ən acı
Çağları da sənindir.

Ye ömrümü! götür ye!
Buyur, hər cür yemək var.
Damla-damla yaş yaşı
Parçalanmış ürək var.

Girib mələk cildinə
Sarılmısan boynuma
Gündüzü gəz yanımda
Gecə də gir qoynuma

Əlindən itirdiyim.
Başımın üstündəsən.
Kipriyimin ucunda
Qaşımın üstündsən.

Gözlərimin içində
Səhərəcən oyaqsan.
Niyə qoymursan yatım?
Sən nə üzlü qonaqsan!

Gül çiçəkli ömrümü
Sən eylədin ağ qara.
Necə edim bilmirəm
Səndən canım qurtara...

Müəllif: Qəhraman Kamiloğlu