Mənə gülüm deyənim,
Gülləmi, oynayırsan?
Mən yanıb kül olmuşam
Külləmi, oynayırsan?

Bir gül idim, solmuşam,
Şaxta vurub, donmuşam.
Əl vursan, töküləcəm,
Paramparça olmuşam.

Külümə də od vurub,
Yandırmaq istəyirsən?
Dəyişmədin donunu,
Sən əvvəldən beləsən.

Nə sevgi var, nə istək.
Yadımdan çıxıb gülmək.
Kim dözər dərdə məntək,
Dərdləmi oynayırsan

Sona çatır deyəsən,
Bu dünyaya səfərim.
Çatacaq sənə nəsə...
Gileyim, lənətlərim.

Lütviyyə Əsgərzadə