ATA..

Müəllif: my_angel
Şərhlər: 6
Baxılıb: 4890
Səs ver:
(səs: 0)
Şəklini böyüdə bilmirəm, ata,
Şəkil böyüdənə verə bilmirəm.
Səninlə bağlıydım yurda, həyata,
Sənsiz bu dünyanı görə bilmirəm.

Söz səndən düşəndə qırılır sözüm,
Səssizlik gəzirəm, dözmürəm səsə.
Böyük şəkillərdən su içmir gözüm,
Şəklin böyüyündən qorxuram, nəsə...

Ürəyin başından asılan kəsi,
Xalıdan, divardan asmaq çətindir.
Yoxdursa bir evdə ata nəfəsi,
Gözlər sataşanda susmaq çətindir.

Gəlmək istəmirəm sənlə üz-üzə,
Çiynimdə daşınmaz bir yük dərdi var.
Balaca şəkillər az dəyir gözə,
Böyük şəkillərin böyük dərdi var!

Heç zaman uymazdın bər-bəzəyə sən,
Şəkilsiz yazı var baş daşında da.
Sənə özün qədər oxşayan mənəm,
Şəklin mən olaram yüz yaşında da!

Zəlimxan Yaqub
(səs: 0)
Şərhlər: 6
Baxılıb: 4890
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri