Ürək, bir də sevmə mənim yerimə

Müəllif: Mr. OffiCeR
Şərhlər: 5
Baxılıb: 4 964
Səs ver:
(səs: 6)
Sevəndə o kəsi sev ki, ürəyim,
O, mənim həyatda olsun gərəyim,
Bilmirəm, bu sözü deyim, deməyim,
Ürək, bir də sevmə mənim yerimə!...

Sən sevdin, nə olsun, sonu nə oldu?
Gözlərim hey yaşla boşaldı, doldu,
Sevmək ayrılığa aparan yoldu,
Ürək, bir də sevmə mənim yerimə!...

Sevəndə gözümlə sevəcəm daha,
O zaman ümidim olar sabaha,
Daha tapşırıram səni Allaha,
Ürək, bir də sevmə mənim yerimə!...

Nə eşqə inam var, nə sənə güman,
Sən sevsən, bu dərdə tapılmır dərman,
Bu gündən könlümə verilir fərman,
Ürək, bir də sevmə mənim yerimə!...

Sevməkdə bir daha mənə gərəkmə,
Həsrətdən ağlayıb göz yaşı tökmə!
Mən özüm sevərəm, sən zəhmət çəkmə!
Ürək, bir də sevmə mənim yerimə!...

Sevəndə həmdəmin olur kədər, qəm
Sənsən bu dərdlərə dözən, bilirəm,
Çarəm yox, mən sənə əmr eyləyirəm,
Ürək, bir də sevmə mənim yerimə!...


(səs: 6)
Şərhlər: 5
Baxılıb: 4 964
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri