Yadına mən düşəcəm

Müəllif: Wiyinka
Şərhlər:
Baxılıb: 1052
Paylaş:
Səs ver:
(səs: 2)
 
Yenə sakitlik çöküb üfüqlər qaralanda,
Əl-ayaq çəkiləndə, öz-özünlə qalanda,
Kağız-qələm əlində, xəyallara dalanda
Yadına mən düşəcəm.


Sahil boyu... sevənlər hey əl-ələ verəndə,
Kimsə sevgilisinin saçlarını hörəndə,
Yenə başının üstdə göyqurşağı görəndə
Yadına mən düşəcəm.

Hər il meydan bəzənib bayraqlar salınanda,
Xonçalar bəzənəndə, bayramlıq alınanda,
Gözləmədiyin anda qapınız çalınanda
Yadına mən düşəcəm.

Kimsə öz eyvanında aynasını siləndə,
Kimsə divar dalında bəxtəvərcə güləndə,
Kiminsə zümzüməsi qulağına gələndə
Yadına mən düşəcəm.

Səmtini azan külək pəncərəni vuranda,
Yüklü xatirələrin düşüncəni yoranda,
Məhəbbətsiz yaşamaq gözlərinə duranda
Yadına mən düşəcəm.

Evinin hər bucağı həsrətimlə baxanda,
Təklik səni mənimtək sinəsinə sıxanda,
Kitabın arasından bir cüt yonca çıxanda 
Yadına mən düşəcəm.

Xatirinə salanda ömrün xoş anlarını,
Cavanlığın, şöhrətin xoşbəxt zamanlarını,
Sevgi umduqlarını, sevgi umanlarını -
Yadına mən düşəcəm.

Məhəbbət gözləyərkən
gündən, aydan, hər ildən,
Nəzir verib bir dua istəyərkən səfildən,
İtən yadigarlarım tapılanda, qəfildən
Mən düşəcəm yadına!
Yadına mən düşəcəm!


loading...
(səs: 2)
Şərhlər:
Baxılıb: 1052
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri

Aylıq arxiv

Facebook