Çovğunlu boranlı sərt qışınla yox,
Çayları coşduran yağışınla yox,
Şaqrat gülüşünlə ,baxışıla yox,
Sən məni nazınla öldürəcəksən.

Həsrətin könlümü eyləyib qubar,
Yeriyir üstümə qəm qatar -qatar,
Bu nazın ,qəmzənin bir xətası var,
Sən məni nazınla öldürəcəksən.

Ağlımı başımdan almısan gözəl,
Qəlbimi odlara salmısan gözəl,
Nə qədər amansız olmusan gözəl,
Sən məni nazınla öldürəcəksən.

Itirib dadını tamlı aşım da,
Dolanır bir dərdli sevda başımda,
Arzuya yetməmiş cavan yaşımda,
Sən məni nazınla öldürəcəksən.

Müəllif Mücirəddin Mübarizoğlu