Günlərin bir günü payız günündə
İlk sevgilimi, nişanladılar.
Duymayıb qəlbimin döyüntüsünü
İki sevən qəlbi parçaladılar.

Yığışıb başına rəfiqələri
Onu ər evinə yola saldılar.
Sevən bir oğlanın təmiz eşqini
Döyünən ürəkdən tez qopardılar.

Ötüşdü həftələr ötüşdü aylar
Bir səhər onların bir oğlu oldu.
Bu məsum balaca günahsız körpə
Gənc ana qəlbinin ulduzu oldu.

Yalvarıb yaxarıb o öz ərinə
Körpənin adını məhəbbət qoydu.
Hər dəfə məhəbbət çağıranda O
Elə bil eşqinin səsini duydu!!!