Ölüm, səndən gileyliyəm

Müəllif: Mr. OffiCeR
Şərhlər: 10
Baxılıb: 2 554
Səs ver:
(səs: 2)
Ölüm, səndən gileyliyəm.
O pusquda duruşundan,
Səssiz, vaxtsız,
O xəbərsiz gəlişindən
Gileyliyəm.
Cavanların, körpələrin
Boynundakı kəməndindən
Gileyliyəm.
Neçə-neçə anaların
Süd qoxulu körpəsini aparmısan.
Neçə-neçə övladların
Arxasını, dayağını aparmısan.
Neçə gəlin xəstə yatır yatağında
Pusqudasan
Gileyliyəm.
Neçə gəlin ağ gəlinlik duvağında
Pusqudasan
Gileyliyəm.
Yol üstündə maşınların arxasınca
Zaman-zaman sürünmüsən.
Bəyliyini geyinməyən
Cavanların qənimisən.
Anaların ürəyinə
Övlad adlı dağ çəkmisən
Körpələrin dillərindən
"Ana" adlı bir kəlmə
İnsan olub bu dünyada xaruqələr yaratmışıq.
Bundan belə nə istəsək, yaradarıq,
Lazım gəlsə, dağ üstünə dağ qoyarıq.
Bircə sənin qarşında biz
Həm acizik,
Həm gücsüzük,
Həm dilsizik.
Bir söz desək, nə faydası,
Qulağın kar,
Gözlərin kor,
Dilin laldı.
Əzəl gündən belə varsan.
Olacaqsan,
Deyirlər ki,
Axı haqsan.
Ölüm səndən gileyliyəm.
Axı ömrün fəsilləri
Hər fəsilin anları var.
Sevgi dolu baharı var.
Məhəbbətdən don geyinmiş
Günəş gözlü bir yayı var.
Payızın da xəzanı var
Bəyaz saçlı bir qışı var.
Ölüm, sənə yalvarıram
Baharında, yayında yox.
Payızında, qışında gəl.
Səksənində, doxsanında
Lap elə yüz yaşında gəl.
Nə küsək, nə inciyək,
Nə də səndən gileylənək.
Qocalanda
Qoy özümüz səni seçək.
ni əski
Duyğularım
Gecələri cox sevirəm.
Sakit, susqun gecələri.
Sevirəm mavi səmada
Sayrışan ulduzlarını.
Buludların ağ kəlağayısına
Bürünmüş nazlı ayını.
Sevirəm gecələrin
Siyah paltarını.
Xəfif küləklərin gətirdiyi
Sevgililərin pıçıltılarını.
Sevirəm mavi gözlü Xəzərimi.
Ləpələri gecələrə
Layla çalan Xəzərimi.
Sevirəm çox,
Amma hər şeydən çox
Sevirəm gecələrin
İşıqlı bir sabaha
Açılan səhərini.
(səs: 2)
Şərhlər: 10
Baxılıb: 2 554
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri