Dilim istəmədən sevmirəm dedi

Müəllif: SEVGI DENIZIM
Şərhlər:
Baxılıb: 1194
Paylaş:
Səs ver:
(səs: 3)
Dilim istəmədən sevmirəm dedi,
Dərdlilər içində başda biz varıq.
Bəlkə də o görüş sonuncu idi,
Bəlkə də nə vaxtsa qarşılaşarıq..

İnanma belə tez sevərəm yenə,
Ömürlük bağlanıb eşqin kitabı.
Bəlkə də nə bilim, gülürsən mənə,
Bəlkə də çəkirsən vicdan əzabı...

Bəlkə düşünürsən bitsin ayrılıq.?
Deməyim artıqdı, günahımdan keç.
Bəlkə də yoldasan, gəlirsən artıq,
Bəlkə də gəlməyi düşünmürsən heç..

Hər şeyin çarəsi əgər zamansa,
Zamanım azaldı, kədərim boldu...
Bəlkə də düzələr hər şey haçansa,
Bəlkə də bundan da beşbetər oldu...

Ən gözəl şeyləri mən diləmirdim.?
Amma ki görmədim səndən yaxşısın.
Bəlkə də mən sənə bəs eləmirdim,
Bəlkə də tapmısan məndən yaxşısın...

Bəlkə günahını anlayıb susdun,
Bəlkə də səhvini dedi bəlkələr...
Bəlkə bəlkələrdir sənin də dostun,
Bəlkə də bilmirsən nədi bəlkələr..

Əksimi görərsən qəlbimə baxsan,
Amma "gəl" deməyə hünərim yoxdu.
Bəlkə unutmusan, bununçün yoxsan.
Bəlkə də ölmüsən, xəbərim yoxdu...

Demə ki çox şeyi bilmir söyləyir,
Çox gözəl bilirəm söylədiyimi...
Bəlkə düşünürsən, indi neynəyir.?
Bəlkə də bilirsən neynədiyimi...

Yaşadıq ən acı həqiqəti biz,
Yaşada bilmədi həqiqət bizi...
Bəlkə də bitirdik məhəbbəti biz,
Bəlkə də bitirdi məhəbbət bizi...

Qəfil ayrılanlar biz ikimizik,
Amma tək dərd çəkən qəmli var, Mənəm...
Bəlkə də günahkar biz ikimizik,
Bəlkə də ən böyük günahkar mənəm...

İstəsən ömründən məni silərsən...
Düşünüb hər şeylə ayaqlaşarsan.
Bu şeiri eşidib bəlkə gələrsən,
Bəlkə də biraz da uzaqlaşarsan...

Çəkdiyim kədəri mən deyim, tanı,
Alaraq qoynuna gəzdirir məni.
Bir yandan "kaşki"lər yorur insanı,
Bir yandan "bəlkə"lər bezdirir məni...

loading...
(səs: 3)
Şərhlər:
Baxılıb: 1194
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv