Aləm hamı heyrətdədi səntək mələyim var,
Bilmir dəxi bir kimsə ki, səndən gileyim var.

Göyçəkliyinə uyma, gülüm, gəldi-gedərdi,
Ancaq ki, qərarında qalan saf ürəyim var.

Sevsən sevərəm, sevməsən hərgah nədi çarəm,
Guya böyük işdir ki, özümçün diləyim var.

Eşq atəşi yandırsa məni min dəfə xoşdur,
Susmaz bu könül hər nə qədər canda heyim var.

Bir gün desələr, Rüfət Məcnuna dönübdür,