Əzəldən belədir

Müəllif: Mr. OffiCeR
Şərhlər: 6
Baxılıb: 2 344
Səs ver:
(səs: 4)
Əzəldən belədir hava da, su da,
Gül açır, sovulur bu çöl, bu çəmən.
Min ildir insanlar qızınır oda,
Zirvə də həməndir, qaya da həmən.

Min ildir ulduzlar səpilib göyə,
Bahardır şaxtalı qışın qənimi,
Dayanıb yolunu gözləyim deyə,
Gəlmişəm dünyaya bənövşə kimi.

Günəşli olmayıb ömrümün yolu,
Əzəldən dünyaya qəmli gəlmişəm.
Gözlərim tox olub, ürəyim dolu,
Allahımı gətirib, mənmi gəlmişəm.

Bulaqlar oxuyur dərələr boyu,
Üz tutub yol gedir dənizə sarı.
Günəşi həmindir, həmindir ayı,
Ölməzdir Allahın yaratdıqları.

Bir bahar bölünüb çiçəyin payı,
Geciksə, düşəcək boranlı qışa.
Nədəndir insanlar günləri sayır,
Hər ömür, sonluğu qəmli tamaşa.

Al günəş nur saçır yamaca, yala,
Gur yağış torpağı gətirir cana.
Üz tutub düşmüşəm bu qəmli yola,
Baş alıb gedirəm ölməkdən yana.

Dənizi yosunlu, göyləri aydın,
Yer üzü bələnib çiçək ətrinə.
Bəlkə də, gəlməzdim sən olmasaydın,
Dünyaya gəlmişəm sənin xətrinə.
 
(səs: 4)
Şərhlər: 6
Baxılıb: 2 344
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri