Heç kim sənin kimi ola bilmədi

Müəllif: Mr. OffiCeR
Şərhlər: 5
Baxılıb: 3 422
Səs ver:
(səs: 0)
Heç kim sənin kimi ola bilmədi
Sən mənə hamıdan yaxın olmusan
Heç kimsə könlümü ala bilmədi
Sənsə ürəyimdə məskən salmısan.

Heç kim sənin kimi ola bilmədi
Mən səndən öyrəndim saf məhəbbəti
Adını qəlbimnən illər silmədi
Yəqin elə budur eşqin qüdrəti

Heç kim sənin kimi ola bilmədi
Mənimçün var olan mələk idin sən
Minlər yığılsa da yerin vermədi
O minlər içində bir tək idin sən

Heç kim sənin kimi ola bilmədi
Nə dostlar tanışlar nə bir başqası
Sənintək qəlbimə heç kim girmədi
Ey nəm gözlərimin soyuq damlası

Heç kim sənin kimi ola bilmədi
Üzümdə təbəssüm oyadardın sən
Sənsiz acılarım heç cür dinmədi
İndi gözlərimnən silinərmi qəm

Heç kim sənin kimi ola bilmədi
Sənin dəyərini biləydim gərək
Bil ki, başqasını gözüm görmədi
Sən sevgi bağçamda tənha bir çiçək

Sənsizlik qəlbimə od vurur mənim
Bu dərdin çarəsi görəsən nədi?
Qürurum qoymur ki, üzünə deyim
Heç kim sənin kimi ola bilmədi
(səs: 0)
Şərhlər: 5
Baxılıb: 3 422
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri