Qeydiyyat Şifrənin bərpası

İzin ver

Tarix: 12-01-2015, 07:00
Müəllif: Mr. OffiCeR
Şərhlər: 8
Baxılıb: 2 664
Bölmə: Həyat tərzi / Şeirlər
Səs ver:
(səs: 1)
Keçdiyin yollara həsədlə baxıb
Izini yaşadan torpaq olum kaş.
Soyuq havalarda qarşına çıxıb
Qəlbini isidən ocaq olum kaş!
 
Üstündə şeh olum sevdiyin gülün
Hərdən nəfəsinlə isinim mən də.
Olub xoş nəğməsi aşiq bülbülün
Hissinə süzülüm qəmə düşəndə.
 
Hər bir addımında izləyim səni
Başın üzərində bulud olum mən
Sən gülümsəyərkən görüb çöhrəni
Günəş nur almasın gözəlliyindən.
 
Gözündən süzülən yaşa çevrilib,
Asta-asta axım yanaqlarından
Dediyin kəlməni "Sevirəm!" bilib
Incə-incə çıxım dodaqlarından.
 
Saçına taxılmış bir şana olub
Telinin ətrinə yaxın yaşayım.
Ülvi bir sevgi tək qəlbinə dolub
Eşqimin xətrinə yaxın yaşayım.
 
Sevgi mələyi tək enib səmadan,
Eşqin badəsini gətirim sənə
Məhəbbət meyini içdiyin zaman
Səadət anını yetirim sənə.
 
Sən coşqun dəniz ol, sahilin olum!
Dalğa tək qoynuma sal qollarını!
Izin ver həyatda sevgilin olum
Birgə addımlayaq eşq yollarını...
(səs: 1)
12-01-2015, 07:00
Mr. OffiCeR
Şərhlər: 8
Baxılıb: 2 664
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

HAMISI

Bürclərlə BİZ

HAMISI

Xəbər lenti

HAMISI

Astrologiya

HAMISI

Qadın testləri

HAMISI