Fəsli bahar qiş olsada,
Unudacam məndə səni,
Gözlərimdə yaş olsada.
Unudacam mən də səni.

Düşməyəcəm izlərinə,
Baxmayacam gözlerinə,
İnanmıyıb sözlərinə,
Unudacam mən də səni.

Eşqinə dustaq olsamda,
Yarpaq kimi saralsamda,
Ehdimə sadiq qalsamda,
Unudacam mən də səni.

Ürək baxmayır sözümə,
Qəm yaşı dolur gözümə,
Söz verdim özüm-özümə,
Unudacam mən də səni.

Bülbül gülə salar nəzər,
Yadı ovutduğun kimi,
Qəlbi soyutduğun kimi
Məni unutduğun kimi,
Unudacam mənde səni.