Nə qədər çalışdım, olmadı inan,

Heç cürə unuda bilmədim səni...

Cəsarət etmədim, qopardı zaman

Apardı uzağa gözümdən səni...

Gözümdən uzaqda olsan da bu gün,

Qəlbimdən heç zaman çıxmadın ki sən...

"Qısqandım" söyləyə bilmədim o gün,

O gündən tək kəlmə danışmadın sən..

3 ildir susuruq, salamımız yox,

Gözünün içinə baxa bilmirəm.

Hələ də dözürəm, ümidlərim çox

Yalandan nə deyim dözə bilmirəm?!...

Bəlkə də ümidlər yalandı, boşdu,

Heç zaman olmasan bəlkə də mənim

Bəlkə də qismətim, talehim budu

Hey sənsiz keçəcək mənim günlərim...

Baxdığım hər üzdə səni görürəm,

Qısqanclıq içimi yeyir, ölürəm

Desəm də unutdum səni, inanma

Hələ də inan ki, səni sevirəm...

Zamanla yanımda başqası olsa

Əllərim özgənin saçın darasa

Gözlərim özgənin gözünə baxsa

Yenə də özgədə səni görəcəm...

Bəlkə də mənimki qara sevdadır

Bu yüzdən unuda bilmirəm səni,

Hər dəfə beynimdə şimşəklər çaxır

Görəndə özgəylə güləndə səni...

Gəl gör ki, qarışa bilmirəm sənə,

Uzaqdan baxıram sadəcə sənə

Unutdum, neçənci şeirimdi bu

Yenə də ürəyim söylədi mənə