İllərin dərdidi deyilən məni 
Amma sən dərd qəmə ilişməmisən
O dəfə uzaqdan görmüşəm səni
Sən elə o sənsən, dəyişməmisən

O an sən bilmədin mən nələr çəkdim
Sən ötdün yanımdan küləklər kimi
Bir az uzaqlaşdım, göz yaşı tökdüm
Amma sen gülürdün mələklər kimi.

O ötən günlərçün yaman darıxdım
Darıxdım sözündə qəbahət gördüm 
Nədənsə gözünə diqqətlə baxdım 
O gözəl gözlərdə xəyanət gördüm

Saxlayıb dərdimi sənlə bölmədim 
Çünki danışmağa sözüm gəlmədi
Gözündə peşmanlıq görə bilmədim 
Arxanca baxmağa üzüm gəlmədi

Soruşan yoxdu ki, görəsən niyə ?
Yorulub həyatdan bezirəm hərdən
Mən səni bir daha görərəm deyə ,
O həmin yerləri gəzirəm hərdən...