Özümü qəlbimlə sənə verirəm,
İstər götür saxla istər at məni.
Bütün ixtiyrı sənə verirəm,
Özün bil, ya öldür ya yaşat məni

Bəzən sevmədiyi biri üzündən,
Bütün ümidini itirir insan.
Qəlbini eşqinə məzar edərək,
Onu özü qətlə yetirir insan.

Solar üzündəki xöşbəxt təbəssüm,
Üzü saxta gülər , ürəyi ağlar .
"Daha çarə yoxdur” deyər özünə,
Bütün qapıların həyata bağlar.

Birdən biri çıxar qarşına qəfil,
Bütün pislikləri tarimar edər.
Silər qəlbindəki həsrəti-qəmi,
Səni əvvəlki tək bəxtiyat edər .

Sən həmin o kəssən qarşıma çıxdın ,
Gəldin gözəlliklər gəldi səninlə .
Həyatım bir anda elə dəyişdi ,
Ürəyim ürəkdən güldü səninlə.

Sənlə tanışlığım yeni olsa da,
Sən mənim xoşbəxtlik mələyim oldun.
Daha istəmirəm ikinci ürək,
Sən mənim döyünən ürəyim oldun.

Sənin gözlərinə baxdığım zaman ,
Bütün dərdlərimi unuduram mən.
Gedirsən, deyirəm yenə gələcək,
Özümü bunula ovuduram mən .