Döymədi qapımı xoşbəxtlik yenə
İçim qan ağlayır görənim yoxdu
Ətrafım bəxtəvər deyirlər mənə
Yalandan üzümə gülənim çoxdu

Nə qədər saxta gülərlər üzə
Ürək daş deyilki hər dərdə dözə
Məhəbbət yalanı öyrətdi bizə
Bu üzdən heç kimə güvənim yoxdu

Zamanla hər şeyi unudum gərək
Axan göz yaşımı qurudum gərək
Uğrunda öldüyüm elədi kələk
Dərdliyəm dərdimi bölənim yoxdu