Bəzən müşkül olur dünyanın işi,
Rahata salmağı, mənə də öyrət.
Dönür zəhrimara balı, kişmişi,
Qənd şəkər qatmağı mənə də öyrət.

Üzməyin qədrini batandan soruş,
Gəzməyin qədrini yatandan soruş
Ailənin qədrini atandan soruş.
Biganə qalmağı mənə də öyrət.

Oğul, adın olsun mərd sırasında,
Olmasın məzlumun dərd, yarasında.
Aglamaq çətindir el arasında,
Aşkar ağlamağı mənə də öyrət.

Nə vaxtsa çox çətin duruma gəlsən,
Halını mürəkkəb, çıxılmaz görsən,
Var olmamış kimi yox ola bilsən,
Qeybə qatılmağı mənə də öyrət.