Ayırmışam yaxşıları pislərdən
Uzaqlaşam şər qoxulu kəslərdən
Xilas olub tamam dəli hisslərdən
Sıfırdan başlamaq lazım hər şeyə.

Bu həyata şirin bir dad qataraq
Sadiqlərin əllərindən tutaraq
Pis günləri təqvimimdən ataraq
Sıfırdan başlamaq lazım hər şeyə.

Yaşamayıb innən belə dərd çəkib
Dörd yanıma dostlarımdan sədd çəkib
Düşman kimsə, üzərindən xətt çəkib
Sıfırdan başlamaq lazım hər şeyə...