Mənimlə qalmağı qəbul etmədin,
Taledən qaçandan sən heç gülmədin.
Bu halın üşüdür çox sixir məni,
Sən sönmüş çırağa indi bənzədin.

Qaçdı o məhəbbət hər ikimizdən,
Xöşbəxtlik ipləri qırıldı bizdən.
Baş verənlər hekayəyə çevrildi,
Ayrıldıq o an bir-birimizdən.

Meşə ortasında o gözəl evdə,
Mən səni axtardım görüş yerində.
Gözünə bir daha baxdım həsrətlə,
Xöşbəxtlik işığı görmədim səndə.

Düşdüyün o mühit kövrəldi məni,
Sınmış qürurun da sarsıtdı məni.
Əyildim qaldıram keçmiş sevgini,
Onda anladım ki, itirdim səni.