Yadındamı sevgilim,
Gecələr görüşərdik
Bağçada biz,bağda biz.
Həyacandan əsərdi
Yarpaq kimi qəlbimiz.
Alovlu dodaqları
Bir-birinə sıxardıq.
Çəkdiyimiz həsrətin
Acısını çıxardıq.
O sevgi haqda,
Yazılmamış əsərdi.
Pıçıltılı səsləri,
Külək hərdən kəsərdi.
Səslə danışmazidiq
Biz səninlə çox vaxtı.
Anlayırdım gözlərim
Haçan gözünə baxdı,
Qəlbindən keçənləri.
Çox heyf zaman aldı,
Bizdən o xoş günləri.
Yadındamı sevgilim,
Ayrılıqdan söz düşdü,
Uşaq kimi ağladın.
Sən o ağlamağınla,
Ürəyimi dağldın.
-Bir həftəlik həsrətə,
Dözə bilmirəm daha.
Bəs ömürlük ayrılsaq?
Yalvardın ki,Allaha
Ayırmasın heç zaman,
Qadir Allah bizləri.
Gözümə zilləmişdin
Yaşla dolan gözləri.
Yadındamı sevgilim
Yadındamı bir gecə
Möhkəm yağış yağırdı.
Təbiət buludları,
Dayanmadan sağırdı.
Şirin söhbət edərdik,
Bizsə tutub əl-ələ.
Biz ayrılan deyildik,
Lap qopsada zəlzələ.
Sevgimizin həsrəti,
Əridərdi daşıda.
Axı hardan biləydik,
Ayrılıq var qarşıda.
Yadınamı sevgilim,
O ayrılıq gecəsi.
Qulağımdan getməyib,
Dodağının son səsi:
-Səni yenə sevirəm,
Sözlərimə gəl inan.
Nə səni,nə eşqini
Unutmaram heç zaman…..

Şehriyar Allahyaroğlu