Zaman unutdurur dedilər mənə
Sakit pıçıldadım unutmaq nədir?
Baxıb göz yaşıma güldülər mənə
Söylədim zamandan bir hədiyyədir

Nəfəsim tükənən günü sayıram
Daha çarəsizəm zaman önündə
Uşaqtək dizimi qucaqlayıram
Kaşkilər önündə, güman önündə

Artıq vərəq qəmim,qələm sirdaşım
Mürəkkəb içində boğulacağam
Bir gün itəcəksə mənim yaddaşım
Səni vərəqlərdə axtaracağam

Bilirem nə zaman,nə vaxt gərəkdir
Gözümdə gözlərin canlanır durur
Mən yenə hazıram nə vaxt gərəkdir
Saplanan oxları çıxar birdə vur

Bəhruz Quliyev