Bəlkə bir şeir yazım
Gecənin səssizliyindən,
Qəlbimin sənsizliyindən,
Sənsiz aldığım nəfəsimdən.
Bəlkə bir şeir yazım
Kimsə gəlib soruşsa ki,
Nə edirsən gecə vaxtı?
Onun üçün şeir yazıram
Deyə olsun bir cavabım.
Sonra yerimdə vurnuxub
Nə edim, yuxum gəlmir deyim.
Necə deyim onu istər,
Onu gözlər bu beyin.
Necə deyim onsuz inlər
Yalnız qalan bu ürəyim.
Necə deyim tərk edilmiş,
Necə deyim aldanmışam.
Axı sevgilim olmayıb
Necə deyim darıxmışam,
Mən kim üçün ağlamışam?
Kimi istər bu ürəyim,
Kimi gözlər bu gözlərim?
Niyə axı onu istər,
Onu düşünər bu beyin?..
Kimliyini gizlədib
Qəlbimə yara vurmusan.
Bəlkə də sən olmamısan,
Səni xəyalımda uydurmuşam.
Onda bir səbəb de mənə,
Niyə yazdım mən bu şeiri?
Niyə yazdım səni görməyən gözlərimin
Səni gözləməyindən?
Niyə yazdım səni sevməyən ürəyimin sənsizliyindən?
Niyə yazdım yalnızam mən,
Axı, niyə yazdım bu şeiri mən?
Bəlkə başqa şeir yazım?
Bu dəfə arzulardan,
Xoşbəxt olan insanlardan,
Daim gülən bir səmadan
Yazım bəlkə bu şeirimi?
Yox, bəlkə heç nə yazmayım,
Qəmdən, kədərdən uzaq
Xoşbəxt həyat yaşayım.
Unudum olanları, bütün yaşananları.
Daha şeir yazmayım, hisslərimdə azmayım...